FUGITIVS MINORENS BUC ACCUMPIGNAI
Nus vivin en in mund globalisau e vegnin aschia confruntai cun novs temas. Biars carstgauns ston banundar lur patria. Affons e giuvenils vegnan separai da lur geniturs.
Nies team d’accumpignament sustegn ils fugitivs minorens buc accumpignai en fuormas d’habitar autonomas el liug da Trun. Els gidan ils giuvenils a s’orientar en nossa tiara ed en nossa cultura. Ils giuvenils frequentan classas d’integraziun da lungatg culla finamira da saver absolver pli tard ina scolaziun e da saver viver a moda independenta tier nus.
Sin lur via absolvan els differents scalems da habitar, nua che nus pretendein dad els adina dapli responsabladad. Nus accumpignein els sin questa via en ina patria aunc nova a moda adattada a lur basegns.
Dapli informaziuns davart la purschida per fugitivs minorens buc accumpignai survegnis Vus dil menader dil sectur svilup professiunal.
