L'ORGANISAZIUN
direcziun
Matthias Hildering
matthias.hildering@casa-depuoz.ch
menader dil post specialisau AGF
(affons, giuvenils e famiglias)
Jürg Marguth
Suprastonza dall'Uniun Casa Depuoz
presidenta dall’uniun
Gabriela Tomaschett-Berther, Trun
vicepresident/a
actuar dall’uniun
Adrian Deflorin, Segnas
suprastonza dall’uniun
Arno Berther, Sedrun/Surrein
Alfons Quinter, Mustér
Manfred Manser, Thalwil
post da revisiun
Confidar Treuhand AG, Ilanz/Glion
NIES MALETG DIRECTIV
La singularitad oblighescha
Nus prendein serius quell’obligaziun e fagein mintga di tut il pusseivel per il beinstar dils carstgauns affidai a nus.
Grazia ad ina purschida adattada als basegns, ina promtadad d’emprender cuntinuadamein e da sviluppar vinavon nossa instituziun restein nus attractivs.
A moda individuala
Nus permettein da menar ina veta autonoma. Nus s’orientein tenor ils basegns.
Cun crear stema
Nus tgirein plein respect ed a moda premurusa.
A moda integrativa
Nus promovin la participaziun alla veta sociala. Nus fagein punts.
Cun crear reits
Nus tgirein ils contacts viers anora. Nus communichein a moda activa e transparenta.
A moda cumpetenta
Nus agin a moda orientada a las finamiras.
Nus nezegein las resursas.
Nus collaborein.
A moda dinamica
Nus sesviluppein vinavon.
Nus restein flexibels.
Nus agin a moda innovativa.
LA PATRUNA
Nus essan obligai alla singularitad – conform a nies motto mettein nus il carstgaun el center. Cun nossa moda d’agir mettein nus il crap da fundament per il svilup da nos affons, giuvenils e carschi.
Grazia alla buna collaboraziun ed alla varietad dallas incumbensas ei la Casa Depuoz in liug da lavur interessant ed ina patruna impurtonta.
Scolaziun professiunala da basa
Vuleis Vus far la scolaziun da specialist/a da tgira AFQ ni in emprendissadi commercial? Nus accumpignein e sustenin Vus duront Vies temps da scolaziun.
Scolaziun e perfecziunament
Cun cundiziuns da lavur attractivas sco era cun perfecziunaments e formaziuns supplementaras sustenin nus il svilup da mintga singul. Scolaziuns ed occurrenzas da perfecziunament internas promovan ultra da quei il brat vicendeivel.
LAS PLAZZAS LIBRAS
Daventei ina part da nies team
Nus encurin adina puspei persunalitads aviartas e motivadas che enriheschan nossa instituziun.
Per la Casa Depuoz a Trun encurrin nus
La plazza sco cuschinier/cuschiniera ei gia occupada!
En cass da damondas contonschis Vus nus duront il temps da büro sin la numera da telefon +41 81 920 21 31.
LAS DONAZIUNS
Fagei cumparer in surrir sin las fatschas da nos clients!
Cun Vossa donaziun possibiliteis Vus a nus da realisar activitads extraordinarias e projects specials, sco era d’ademplir giavischs particulars da nos clients. Cun quellas contribuziuns gideis Vus nus a regalar plascher. Per quei vulein nus engraziar a Vus cordialmein!
Differentas modas da far donaziuns
• donaziun generala
• per il sectur da scola speciala
• per las mesiras professiunalas
• per il sectur dils carschi
• per urdeins da giugar
• per il curtin dils senns
• per projects extraordinaris
• per la gasetta da casa
• donaziuns buc en fuorma da daners
Legat / relasch
Cun in legat ni in relasch saveis Vus decider sur Vossa mort ora tgei che duei succeder cun Vos daners. Per quei eis ei indispensabel da far in testament.
Deducziun da taglia
Las donaziuns saveis Vus deducir dallas taglias.
Nossas indicaziuns da conto per Vossas donaziuns:
Conto da donaziuns:
IBAN: CH79 8080 8002 9081 5607 0
