La Casa Depuoz ha baghegiau in casa nova cun habitaziuns e structura dil di integrada per cussadentas e cussadents carschi cun restricziuns. La casa nova remplazza la «Casa Soldanella» a Rueras ch’ei vegnida els onns. Las lavurs da baghegiar ein vegnidas terminadas tenor plan e nus vein saviu badelar cun grond plascher ella casa nova l’entschatta fenadur 2025.
La casa nova a Sedrun porscha in dacasa modern a dudisch carschi cun restricziuns en treis habitaziuns ina sur l’autra. Per etascha dat ei quater stanzas singulas cun local sanitar, ina cuschina ed ina stanza da magliar cun stiva. Il concept da gestiun per la casa d’habitar e la structura dil di s’orientescha allas directivas dalla convenziun da l’ONU davart ils dretgs da persunas cun impediments. El procura per in’organisaziun dalla veta aschi autonoma sco pusseivla per ils carschi cun restricziuns e lur partizipaziun alla veta el vitg.
Susteni nus e possibilitei a nossas cussadentas e nos cussadents cun Vossa donaziun ina formidabla entschatta en nies dacasa niev.