Scola
Scola speciala separativa
Nossas scolaras e nos scolars emprendan en situaziuns socialas e praticas per la veta. Ensemen cun els fagein nus plans da promoziun e formaziun individuals a basa da lur fermezias. Communablamein creein nus bunas premissas per igl ulteriur svilup da mintga singul affon. Nus menein a Trun ina scoletta pedagogic-curativa per ils affons ils pli giuvens. Denteren fan era prescolarets diever da quella purschida.
Sper las treis classas d’instrucziun speciala a Trun ei ina classa speciala externa integrada ella casa da scola regulara da Rueun. Grazia allas activitads communablas cun ils affons dalla scola regulara ni en singuls roms daventa l’integraziun normalitad. Per cuschinar e senudar vegnan ils da Rueun regularmein si Trun ed ein aschia colligiai cun la casa.
Classa da tscharna da professiun
Sch’ils giuvenils san buc aunc tgei far ni nua setschentar suenter il temps obligatoric da scola, san els visitar nossa classa da tscharna da professiun. Leu sefatschentan els cun las singulas professiuns. Sper ils roms da formaziun generala orientai alla veta pratica intermediein nus experientscha pratica als giuvenils en differents camps da lavur interns ed externs. Cheu rinforzeschan els lur tenuta da luvrar, lur perseveronza e la responsabladad persunala.
Suenter la classa da tscharna da professiun che cuoza in tochen dus onns cussegliein nus il giuvenils ed encurin ensemen ina sligiaziun da cuntinuaziun.
Igl ei pusseivel ch’ils affons habiteschan duront intern tier nus duront la jamna. Bugen mettin nus avon a Vus quella purschida.
Scola speciala integrativa
La scola speciala intergrativa permetta als affons cun basegns d’emprender special da frequentar la scola en lur liug da domicil ed aschia da crescher en lur ambient social usitau. Ina specialista ni in specialist da pedagogia curativa accumpogna e promova els en singulas lecziuns.
Per ch’ina integraziun reusseschi, eis ei impurtont d’integrar tut ils participai e da crear capientscha.
Habitar
Duront l’jamna habiteschan differentas scolaras e differents scolars egl internat. Lur temps liber passentan els mintgaton giuado ni ella gruppa d’habitar ed era cun far ils pensums da scola – persuls, ensemen ni cun sustegn dallas persunas d’assistenza.
Las giuvnas ed ils giuvens preparan ensemen la tscheina ed adempeschan lur incumbensas, sco per exempel il « plan da survetschs ».
Mintgina e mingin ei ina part impurtonta dalla gruppa.
