Nus vein l’ambiziun da furnir adina nos clients permanentamein – mo quei impedescha nus aunc adina da risguardar novs clients.

Nossas cussadentas e nos cussadents preparan la lenna tier nus al liug.

Duvreis Vus era in tec calira per Vies dacasa? Bugen furnin nus a Vus ensemen cun nos giuvenils ni ella collaboraziun dil program d’engaschament Surselva la quantitad da lenna empustada.

Buc emblidei dad empustar ad uras. Ils termins da furniziun cuozan tochen in miez onn. La lenna vegn furnida verda e drova aunc peda da sechentar.

Damai che nossa lenna da brisch ei fetg tschercada, po ei dar che buc tut la lenna empustada sa vegnir furnida ni che buca tut las empustaziuns san vegnir risguardadas. Nies team informescha Vus bugen davart la purschida actuala.

Nus purschin lenna en treis differentas lunghezias. Ultra da quei saveis Vus era cumprar lenna per envidar il fiug.

lenna dira 25 cm CHF 195.00 per ster
lenna dira 33 cm CHF 175.00 per ster
lenna dira 50 cm CHF 165.00 per ster
pégn 25 cm CHF 175.00 per ster
pégn 33 cm CHF 155.00 per ster
pégn 50 cm CHF 145.00 per ster
Lenna per envidar il fiug CHF 20.00 per scatla

Nus furnin bugen a Vus la lenna a casa per in prezi supplementar da ChHF 1.50 per kilometer denter Sedrun e Sagogn. Per in prezi supplementar da CHF 25.00 per ster emplunein nus la lenna en Vossa talina.

Empustei per telefon sin la numera +41 81 920 21 55 ni vegni duront las uras da biro sperasvi tier nus ella Casa Depuoz.

Enconuschis Vus gia nies pign, mo bi bogn cuvretg? El stat era a disposiziun a Vus, per che Vus sappies serecrear cun senudar in pèr rundas e guder l’aua caulda.
Nies bogn ei 12,5m liungs ed 1,30m profunds e la temperatura dall’aua munta a 31 grads celsius

Duront il temps da scola ei nies bogn aviarts public mintgamai il gliendisdis e la gievgia las 17.30 entochen las 20.00 uras. Davosa entrada pusseivla el bogn ei las 19.15 uras.

Il bogn ei aviarts naven dils 11 da mars entochen ils 28 da mars 2024. Naven digl avrel 2024 savein nus buca offerir vinavon quella purschida.

Nossas tariffas da bogn

Sebasond sin la situaziun actuala ed igl alzament da prezis per energia stuein era nus adattar nos prezis per la lenna da brisch. Ils novs prezis valan naven digl 1. da fenadur 2022. Las empustaziuns fatgas entochen avon quei datum vegnan secapescha quintadas giu cun ils prezis lu actuals.

Aunc adina empruein nus da saver porscher a tuts la pusseivladad d’empustar lenna tier nus, mo el mument eisi buca pusseivel da risguardar novs clients.

Nossas cussadentas e nos cussadents preparan la lenna tier nus al liug.
Duvreis Vus era empau calira per Vies dacasa? Bugen furnin nus a Vus ensemen cun nos giuvenils la quantitad da lenna empustada.

La lenna vegn furnida bletscha. Per plascher empustei ad uras.

Damai che nossa lenna da brisch ei fetg tschercada, po ei dar che nus savein buca furnir immediat e nossa preziada clientella sto spitgar in temps. Nies team informescha bugen Vus davart la disponibilitad ed il temps da furniziun da nossa lenna da brisch.

Nus purschin lenna en treis differentas lunghezias. Ultra da quei saveis Vus era cumprar lenna per envidar il fiug.

lenna dira 25 cm CHF 195.00 per ster
lenna dira 33 cm CHF 175.00 per ster
lenna dira 50 cm CHF 165.00 per ster
pégn 25 cm CHF 175.00 per ster
pégn 33 cm CHF 155.00 per ster
pégn 50 cm CHF 145.00 per ster

lenna per envidar il fiug CHF 20.00 per scatla

Nus furnin bugen a Vus a casa la lenna per in prezi supplementar da CHF 1.50 per kilometer denter Sedrun e Sagogn. Per in prezi supplementar da CHF 25.00 per ster emplunein nus la lenna en Vies deposit.

Empustei per telefon sin la numera +41 81 920 21 55 ni vegni duront las uras da biro sperasvi tier nus ella Casa Depuoz.